كتبت:
هدى عبدالرازق
شنت المخرجة المصرية سارة وفيق، مخرجة فيلم "ريستارت" من بطولة
الفنان المصري تامر حسني، هجوماً حاداً على الناقد الفني المصري طارق الشناوي، بعد
انتقاده لـ فيلم "ريستارت" وتأكيده على أن الفيلم لا يوجد به رسالة أو
رؤية أو مخرج، وسارة وفيق لم تضيف للفيلم شيء، وما نال إعجابه في الفيلم فقط هي أغنية "المقص" الذي قدمها تامر
حسني مع المطرب الشعبي رضا البحراوي.
تعليق مخرجة فيلم "ريستارت" على انتقاد طارق الشناوي
وردت
المخرجة المصرية سارة وفيق، مخرجة فيلم "ريستارت"، على انتقاد الناقد
الفني طارق الشناوي للفيلم، من خلال رسالة مطولة عبر صفحتها الرسمية عبر مواقع
التواصل الاجتماعي، مؤكدة أن هناك فارق بين النقد والإهانة، حيث قالت: "استاذ
طارق الشناوي في فرق كبير بين الإهانة وبين النقد، حضرتك بتقول إن مفيش موضوع في
الفيلم ودي حاجه ضحكتني جدًا لأن إحنا بنتكلم عن موضوع الساعة موضوع العصر أكبر
موضوع بيهمنا ويخصنا حاليًا".
هجوم مخرجة فيلم "ريستارت" على طارق الشناوي
وهاجمت مخرجت فيلم "ريستارت"، الناقد الفني طارق الشناوي، حيث اعتبرت أن تصريحاته عن الفيلم، هي مجرد انتقاد من أجل التريند، حيث قالت في منشورها: "كلامك فكرني بمشهد في الفيلم للفنان محمد ثروت وهو بيقول أنا أعمل أي حاجه عشان أبقى تريند (احنا خدامين التريند) وسمع كلام الچوكر (الفنان باسم سمرة) اللي بيشتغل لأغراض ناس، مبروك يا أستاذ طارق عرفت تبقي تريند من غير ما تنقد الفيلم.. تخبط في القائمين على العمل بعيد عن العمل نفسه ولا اتكلمت عن إيجابياته ولا سلبياته، لا ههاجم أشخاص وبكده هطلع تريند بسرعه ده موضوع الفيلم اللي انت مافهمتوش أصلًا ولا هو جالك على الجرح؟؟".
وأضافت:
"وعلى فكرة أنا كمان بعرف أعمل تريند وهنطلع تريند أنا وانت، بس أنا على حق
وهمنشنك عشان تظهر بسرعة، انت بتقول إن أغنية المقص عجبتك بس هي مش داخل الفيلم لا
يا أستاذ طارق الأغنية في الفيلم بس شكل اللي بيمليك اتلخبط، ادخل شوف الفيلم اللي
انت مشوفتوش وأحكم عليه بنفسك وبلاش الأفكار السطحية اللي بتقولها على كل الأفلام
لأنك لو شوفت ريستارت فعلًا كنت هتعرف إن قصته أهم ما فيه".
إيرادات فيلم "ريستارت"
ويذكر أن فيلم "ريستارت" حقق إيرادات ضخمة في أول أيام عرضه، حيث بلغت إيراداته اليومية نحو 9 مليون جنيه خلال عيد الأضحى المبارك، لتصبح إجمالي إيرادات الفيلم نحو 33 مليون و634 ألفًا و591 جنيهًا، حتى مساء السبت 7 يونيو 2025، والفيلم من بطولة نخبة من نجوم الفن المصري من بينهم تامر حسني، هنا الزاهد، محمد ثروت، عصام السقا، وباسم سمرة، وميمي جمال، وتوانا الجوهري وآخرون.
