كتبت.. آلاء محمدي

أطل الفنان المصري تامر حسني على جمهوره بمنشورٍ يحمل بين طياته دروسًا مستوحاة من رحلته الشخصية، داعياً إياهم إلى التمعن في حاضرهم والتخلص من أعباء الماضي.

رسالة تامر حسني لجمهوره في رمضان

شارك تامر حسني متابعيه عبر حسابه الرسمي على فيسبوك رؤيته للحياة في هذا الشهر الفضيل، قائلاً "بروحانيات شهر رمضان الكريم زي ما متعودين إني بحاول من واقع الدنيا ومشواري الشخصي أي شيء بتعلمه لازم أوصله لكم بعيداً عن الفن تماماً".

نصائح تامر حسني لجمهوره

قدم تامر نصيحة قيمة لجمهوره مستخدماً تشبيهاً بليغاً "عمركم شوفتوا حد عايز يطلع خطوة قدام و باصص وراه أكيد مش هيعرف.. طب هل في حد ممكن يبدأ جزء جديد في كتاب حياته وليكن الجزء الثاني وهو قاعد لسه بيقرا الجزء الأولاني؟ أكيد لا.. طب يعمل إيه؟ أقولك أنا، ما دام خلص الجزء الأول، أو خلص آخر صفحة في الجزء الأول يقلب الصفحة بس كده.. ويركز في حاضره".


وأكد تامر حسني على أهمية التخلص من الماضي والتركيز على الحاضر، قائلاً "اللي فات مش هيعرف يغير فيه حاجة، فليه بيضيع وقت مع اللي فات طب الحاضر أولى.. أنسى اللي فات يا صاحبي، وأقلب الصفحة يلا وابدأ حالاً محدش هينفعك والعمر بيجري.. ولو لسه في ماضيك ومخلصتش الصفحة حاول تخلصها بأحسن طريقة على قد ما تقدر عشان تفتح الجديدة بروح أجمل".