كتبت – هاجر هشام
صرحت الفنانة المصرية أسما شريف منير عن السبب وراء ظهورها بزيادة وزن ملحوظة خلال فعاليات الدورة السابعة من مهرجان الجونة السينمائي، مؤكدة أن ذلك يرجع إلى تناولها أدوية لعلاج نوبات الهلع التي كانت تعاني منها.
أسما شريف منير تكشف سر زيادة وزنها المفاجئ
وقالت أسما خلال لقاءها مع برنامج ET بالعربي: "أنا دلوقتي تخينة عشان باخد دواء، كان بيجيلي نوبات هلع وكنت بقعد في البيت مش قادرة أنزل من كتر الخوف، لما أخدت الدواء من آثاره الجانبية بتاعته أنه بيتخن".
وأضافت أنها تفضل عدم اللجوء إلى الحلول الجراحية مثل التكميم، مفضلة اتباع نظام غذائي صحي وممارسة الرياضة، حيث قالت: "أنا مش عايزة استسهل وأروح أعمل تكميم، مفيش أي اعتراض على التكميم لكن أنا عايزة أحافظ على أكلي ورياضتي خسيت شوية وبرجع أتخن تاني".
وعن الطرق الحديثة لخسارة الوزن مثل حقن التخسيس، قالت أسما: "الحقن مش هتنفع معايا لأني شايلة الغدة".
ومن جهة أخرى، كشفت أسما شريف منير عن سبب حذفها لصورها عبر موقع التواصل الاجتماعي الانستجرام، قائلة: " شيلت كل صوري عشان عايزه اشارك معاكم حاجة تفرق، تفرق مع شخص واحد بس! طب و هو ايه يعني اللي هيفرق في الصور دي؟".
وأضافت: "اول حاجة عايزه اوصلها من الصور دي، انها من غير اي اديت او فلتر، و دي حاجة انا في صراع دايم فيها، عشان بقيت بحب شكلي ب فلتر اكتر و ده شيء محزن، فا محتاجة احس اني حره من الفلاتر و الاديت عشان اشجع بنات تكون حسه احسن".
