انتشر اسم الفنانة هنا الزاهد، على جميع منصات التواصل الاجتماعي بعد حلقتها المميزة مع الإعلامية إسعاد يونس في برنامج "صاحبة السعادة"، وذلك بعدما فتحت قلبها وتحدثت عن جميع الأمور المهنية والشخصية التي شغلت بال الجميع في الفترة الماضية.

فتي أحلام هنا الزاهد

وتحدثت هنا الزاهد، أثناء الحلقة عن مواصفات فتي أحلامها وقالت "فتي أحلامي لازم يكون راجل وسند وضهر ويعمل كل حاجة عشان يراضيني ويشجعني عشان أكبر، لازم أحس بالأمان معاه وأنا ما بتشدش للي في سني وبحب الأطفال وعشان كده نفسي في ولد وبنت".

قصة انفصال هنا الزاهد وأحمد فهمي

وكشفت عن انفصالها عن الفنان أحمد فهمي، وقالت "مكنتش متخيلة أن فيه حاجة اسمها طلاق بالنسبة ليا، وربنا جابلي الموضوع بشكل تدريجي في 8 شهور لأن أنا شخص روتيني وصعب أتخلي عن حاجة اتعودت عليها، ولكن الحمد لله أدركت أن ربنا كتبلي الخير في كل شيء وشايف أن حياتي أفضل بالانفصال، وده سبب أن منزلش دمعة بعد انفصالي من أحمد فهمي".

أزمة والدة هنا الزاهد الصحية

وتطرقت هنا إلي أزمة والدتها الصحية، وقالت "ده الوقت اللي أنا حسيت أني اتكسرت جداً، كنت بصور ولقيت فرح بتكلمني بتقولي هنا الحقينا وماما كانت عاملة الإشاعات، وكنا مستنين النتيجة وطلع عندها المرض الخبيث".

وتابعت قائلة "سمعت الخبر انهارت وكنت واقفة وقعدت مش عارف أقف، اللي مالوش خير من أهلة مالوش خير في حد، وأمي لما بروح شركات إنتاج بتبقي جنبي عشان تطمن عليا، وبتبقي دايماً معايا في كل حاجة في حياتي، وهي الحمد لله أحسن بكتير دلوقتي، والفترة دي إحنا الـ 3 كنا مدمرين نفسياً ودائماً بندعي ربنا، وبخاف أوي من فكرة أن في أي يوم يحصل أي حاجة والله مش عارفة هيجرالي إيه".