دافع عدد من الإعلاميين عن تصرفات الفنان محمد رمضان خصوصا بعد صفعه لمعجب من جمهوره في الساحل الشمالي.
إعلاميون يدافعون عن محمد رمضان
وقال الإعلامي خيري رمضان : "محمد رمضان تتفق أو تختلف معه فهو نجم يقابله رؤساء وملوك، وهو فنان يحب الاحتكاك بالجمهور والنزول بينهم، ويقول أنا رجل شعبي ولا يرفض أي طلب للتصوير معه ، الولد الصغير لما سألوه هو ضربك بالقلم ليه قال أنا روحت أتصور معاه وقلت له يا محمد حمضان، أصل أنا استفزيته وكنت بهرج فضربني بالقلم، فأنا مهمنيش وضربته بالقلم، وبعد كده خدوني الأمن شوية وجالي مدير أعماله والموضوع خلص، وفوجئت بنفسي تريند".
و دافعت الإعلامية أميرة بدر عن الفنان محمد رمضان: "محمد رمضان نجم كبير الناس بتحبه، والشباب شايفين إنه مثل أعلى وقصة نجاح، ومعروف عنه تعامله مع الناس في الشارع بمنتهى اللطف والود.
وأكملت أميرة بدر: "الولد وهو ماشي جنب محمد رمضان وماسك الموبايل وعايز يتصور معاه رمى كلمة مش لذيذة، والشباب اليومين دول في نوع غريب عنده جراءة وعنف، يعني إنت رايح تتصور مع واحد مشهور تلقح عليه بالكلام، وكمان تسجل فيديو وإنت بتشتمهه؟ طبيعي مش هيسكت ويكون له موقف".
