كشف الموزع الموسيقي أحمد إبراهيم حقيقة الأخبار التي تم تداولها عن زواجه من النجمة شيرين عبد الوهاب.

قال أحمد إبراهيم في لقاء صحفي : "المفروض الكلام ده يتقال في شهر أبريل عشان تبقى كذبة أبريل، في حاجات بتضحك، الأول بقول لشيرين كل سنة وأنتِ طيبة، وبسلم عليها من خلالك، انا ماشوفتهاش من سنة، وأقول لها ياريت تكلمني من رقمها الجديد لإني معيش رقمها، شيرين صديقة وأخت".

وأستكمل الموزع أحمد إبراهيم: أنا زيي زي الناس فوجئت بالكلام ده وماليش دعوة بضرب شيرين بأنغام، الناس دي محترمين جدا، وأنا لي نفسي، ومعرفش مين صاحب الفكرة دي، بعد 22 سنة أنا وشيرين أصحاب، يطلع الكلام ده اتقال دلوقتي، وأحنا أصدقاء واخوات ولما شوفته فضلت أضحك عليه".

وتعاني الفنانة شيرين الفترة الحالية بسبب أزمتها مع شقيقها التي وصلت الي المحكمة بسبب إتهامها له بسبب صفحتها الشخصية علي مواقع التواصل الاجتماعي الامر الذي تسبب في صدور العديد من البيانات من جميع الجهات والي الان الجميع ينتظر قرار المحكمة .